एकपटक एकजना व्यक्ति हात्तीहरुलाई पालेर राखिएको ठाउँ हेर्न पुग्यो । त्यहाँ पुग्दा उनी अचम्भित भए, हात्तीहरु बाहिर नै थिए, उनीहरुको घाँटीमा कुनै बेल्ट वा दाम्लो थिएन ।

ती व्यक्तिले हात्तीको हेरचाह गर्ने माउतेलाई सोधे, ‘ यसरि यी हात्तीहरु भाग्दैनन् ? ” माउतेले उत्तर दिए ,’ अहँ, भाग्दैनन् । हेर्नुस् न , उनीहरुको खुट्टामा डोरी बाँधिएको छ । ‘ त्यो डोरी देखेर ती व्यक्ति झनै अचम्भित बने । किनकी ती ठूला हात्तीहरुको खुट्टामा बाँधिएको डोरी निकै मसिनो थियो । फेरी सोधे , ‘ यो डोरी उनीहरुले चुँडाउन सक्दैनन् र ? ‘

अचम्भित बनेका ती व्यक्तिलाई हेरेर मुस्कुराइरहेको माउतेले जवाफ दियो , ‘ हात्तीहरु जब साना हुन्छन् , हामीले यस्तै डोरीले बाँधेका हुन्छौं । साना हात्तीहरुले त्यो डोरी चुडाउन सक्दैनन् । त्यसपछि अलिकति ठूला हुँदा फेरी उनीहरुको शरीरको आकार अनुसारकै डोरी बांध्छौँ । तर विस्तारै उनीहरु यो रुपमा आउँदा सम्म उनीहरुको खुट्टाको यो सानो डोरी फेर्नु पर्दैन । किनकी उनीहरुलाई डोरीको बानी परिसकेको हुन्छ र डोरी चुडाउन सकिंदैन भन्ने भ्रम परेको हुन्छ ‘।

कतै तपाईं पनि अनेक बाहनामा तपाईंको खुट्टामा बाँधिएको डोरी चुडाउन सकिंदैन भन्ने भ्रममा त हुनुहुन्न ?

लेख बारे आफ्नो विचार यहाँ लेख्नुहोस :
Ad::
Custom Text